Xerf@
MATERIAIS
Informe Proxecto Xerf@
Caride Gómez, Jose Antonio e Pose Porto, Héctor (Coords.) (2020). Proxecto XERF@. Formación e profesionalización da acción cultural pública en Galicia. Informe.
Candia Durán, Francisco Xosé e Ferreiro Núñez, Xesús (2021). Proxecto XERF@. Estudo sobre a formación e a profesionalización da acción cultural pública en Galicia. Revista Galega do Ensino, 82. http://www.edu.xunta.gal/eduga/2174/investigacion/proxecto-xerf
interea
Iniciándose o século XXI, entre os anos 2001-2009, un amplo equipo de persoal docente e investigador das Universidades de A Coruña (UdC) e Santiago de Compostela (USC), profesionais da xestión cultural, creadores e artistas, etc., coa participación ou colaboración de responsables políticos, técnicos ou con funcións administrativas na Deputación Provincial da Coruña, participaron activamente no deseño e desenvolvemento do proxecto interea. Unha expresión de orixe latina, reconvertida nun acrónimo: Iniciativas e Recursos no Territorio para a Acción Educativa e Cultural Local.
Na articulación destas palabras facíase explícita a vontade de recoñecer e poñer en valor a investigación, formación e a transferencia/divulgación de coñecemento á sociedade, procuradas polo quefacer educativo e sociocultural cotiá nos concellos da provincia da Coruña, en diálogo coas súas Universidades, alentado polos convenios de colaboración subscritos nese período.
Recuperando boa parte das actuacións promovidas, o que mostramos nesta Web reflicte algúns dos resultados mais tanxibles deste suxestivo proxecto, fundamentalmente na publicación impresa e/ou dixital da revista interea visual, dos cadernos temáticos, de varios informes de investigación, así como dalgunhas das actas derivadas dos foros e congresos convocados.
Compartimos tamén outros estudos e investigacións, realizados por outros grupos de investigación e colectivos profesionais, que traballan en liñas de pescuda próximas ao Proxecto Xerfa.
Estudos previos
Interea Visual
Cadernos Interea
Outros materiais de interese
Actas interea
Coñeces outro material de interese?
Axúdanos a enriquecer o listado de materiais compartindo as túas propostas.